En qué consiste?

Trátase dunha modalidade interrompida de campamento que se vén celebrando no Concello de Os Blancos dende o ano 2011, celebrouse tamén no 2012 e que ten unha nova edición neste 2013 durante os meses de xullo e de agosto en horario aproximado de 09:30h a 13:30h.

O obxectivo xeral é contribuír á diversión dos menores nun clima lúdico e de aprendizaxe.

Como obxectivos complementarios:

- Recuperar a idea de xogar xuntos, invisibilizada ante a impronta das novas tecnoloxías.

- Fomentar os valores do respecto, a cooperación, a solidariedade entre as e os máis pequenos a través dos xogos.

- Permitir a conciliación da vida persoal, familiar e laboral dos seus familiares.

Entre as nosas propostas destacan:

- As actividades deportivas (contando co material deportivo do CEIP Os Blancos): xogos cooperativos, xincanas deportivas, carreiras por relevos, etc.

- Manualidades.

- Técnicas de dinámica de grupos: de presentación, comunicativcas, de afirmación, de distensión, de resolución de conflitos, avaliación, etc.

- Animación musical.

- Animación de cumpreanos ou outras festas recreativas: disfraces de verán, etc.

- Animación ao teatro.
- Educación medioambiental.

- Outras.

Estamos abertos á participación de rapaces e rapazas con idades recomendables entre os 4 e os 13 anos, se ben somos flexibles e se queren participar con menos e/ou máis idade acollémolos con gusto sempre que se adapten á dinámica do grupo. Tamén somos flexibles e recollemos as expectativas acerca do que máis lles gusta aos rapaces e rapazas para desenvolver as actividades.

A fundamentación deste blog entendémola no eido das Novas Tecnoloxías Aplicadas ao Tempo Libre coma unha ferramenta máis para a animación das e dos cativos e, así mesmo, que os seus pais e as súas nais ou familiares, persoas coñecidas, etc. poidan gozar véndoos na Internet (N.B. 2).

N.B. 1: A iniciativa conta cun servizo de transporte municipal que establece unha couta mensual por ir a recoller e devolver os rapaces e rapazas aos seus fogares. O propio concello é o que establece a couta habendo prezos diferenzados que se desglosan, a continuación, para a edición deste verán de 2013:

                                 1 neno/a da unidade familiar         2 irmáns/ás          3 irmáns/ás            4 irmáns/ás

15-31 Xullo:                          7,5€                                    12,5€                 15€                         gratis

1-30 Agosto:                         15€                                      25€                   30€                         gratis

TOTAL:                                22,5€                                   37,5€                45€                         gratis     

Imaxe do transporte municipal de recollida e devolución dos nenos e nenas

N.B. 2: As fotografías tomadas aos nenos e ás nenas contan coa autorización por escrito dos seus pais/nais e/ou titores legais en orde á Lei Orgánica de Protección de Datos de Carácter Persoal para cedernos os seus dereitos de imaxe durante as distintas edicións do Campamento de Verán en Os Blancos (2011, 2013 e 2013).